Kisha Katolike në Kosovë

Dioqeza Prizren-Prishtinë

Në Dioqezën Prizren-Prishtinë, në Kishën katolike të Kosovës aktualisht gjenden 24 famulli, të shpërndara në të gjitha viset kryesore të vendit. Në 22 prej këtyre famullive shërbejnë meshtarët dioqezanë, ndërsa në një famulli veprojnë rregulltarët - françeskanët në Gjakovë, ndërsa salezianët ushtrojnë veprimtarinë e tyre edukative në Qendrën Don Bosko në Prishtinë dhe në Gjilan, si dhe në kuadër të Dioqezës janë edhe dy Shkolla Profesionale Loyola në Prizren, dhe Gjon Nikoll Kazazi në Gjakovë. Në tërësi, në dioqezë shërbejnë 43 meshtarë, nga të cilët 30 janë meshtarë dioqezanë dhe 13 rregulltarë që i përkasin urdhrave të ndryshëm fetarë. Përveç tyre, në jetën baritore dhe misionare të dioqezës angazhohen edhe motra rregulltare, katekistë, si dhe një numër i madh vullnetarësh laikë, të cilët ndihmojnë në veprimtaritë baritore, edukative dhe bamirëse.