Katekumenati

• Kush jemi

Ipeshkvia Prizren-Prishtinë ose sikur jemi mësuar ta njohim në emërtimin popullor, Ipeshkvia e Kosovës, ka një Zyrë të veçantë që kujdeset për baritoren katekumenale. Me termin katekumen, Kisha Katolike nënkupton ata persona të cilët janë në kërkim të së vërtetës, kanë filluar përshkimin e jetës së Krishterë ose janë në fazën e përgatitjes intenzive për Pagëzim. Këndej kjo zyrë edhe quhet Zyra për Katekumen. Zyrën e drejton një nga meshtarët e Dioqezës, të cilin e emëron Ipeshkvi në atë detyrë. Atë e ndihmojnë një grup i konsiderueshëm bashkëpunëtorësh nga të gjitha famullitë tona.

• Cili është qëllimi

Përgjegjësia e këtij enti kishtar nuk është veprimtari drejtpërdrejtë baritore, por koordinon veprën baritore të gjithë dioqezës.

Detyrat parësore të kësaj Zyre:

• Përgatit tekstet e nevojshme për njohjen dhe fenë biblike të katekumenëve.
• Pranon kërkesat e individëve dhe i udhëzon ata se ku mund të bëjnë përgatitjet e nevojshme.
• Koordinon punën baritore nëpër famullitë tona.
• Jep përgjigje në pyetjet që kanë veprimtarët baritorë ose kandidatët për pagëzim.
• Mbikëqyr veprën baritore të katekistëve, garanton zbatimin e rregullave kishtare, paanshmërinë e të tjera të përcaktuara.

• Kush mund të pagëzohet

Kjo Zyrë kujdeset edhe për ecurinë e jetës shpirtërore të Neofitëve (posa të pagëzuarit). Nëse dikush beson se është i krijuar nga Hyji Dashuri, atëherë ai është i lirë, nuk pranon imponim, nuk mashtrohet e as nuk nënshtrohet. I duhet vetëm të hap zemrën që dashuria ta përfshijë atë dhe që zemra e tij të shkrihet në dashuri e të bëhet burim i kësaj dashurie për të gjithë njerëzit. Çdo individ ka të drejtë të paraqitet në cilëndo famulli apo kishë në Kosovë, për të shprehur dëshirën e vet të Kthimit në fenë e të parëve të tij, e të bëjë kërkesën për pagëzim. Në lirinë e Hyjit Dashuri, çdo person është i lirë të ndjek ndjenjën e zemrës së vet drejtë besimit, nuk pranon imponimin e askujt, nuk mashtrohet nga joshjet e as nuk iu nënshtrohet presioneve. I duhet vetëm ta hap zemrën, që dashuria e Hyjit, ta përfshijë atë. Në këtë kontekst, jeta e çdo njeriu është një marrëdhënie personale mes Krijuesit dhe t'krijumit (njeriut). Kurse kthimi, është vendim individual i personit të lirë e të përfshirë nga dashuria, i cili kërkon të hyjë në një relacion të ri me Krijuesin e vet. Prandaj, vendimi për kthim duhet të merret me bindje, pa shtrëngim dhe me liri të plotë të shpirtit.